Malavision news RSS Feed Malavision http://malavisiononline.in കേരളത്തില്‍ അനൗപചാരിക വിദ്യാഭ്യാസം നടപ്പാക്കണം: പ്രൊഫ കേശവന്‍ വെളുത്താട്ട്
വിദ്യാര്‍ത്ഥികള്‍ക്ക് അനുഭവങ്ങളിലൂടെയുള്ള പാഠങ്ങള്‍ പഠിപ്പിക്കാന്‍ കേരളത്തില്‍ അനൗപചാരിക വിദ്യാഭ്യാസം നടപ്പാക്കണമെന്ന് ചരിത്രകാരനും തീരദേശ പൈതൃക പഠനകേന്ദം ഡയറക്ടറുമായ പ്രൊഫ. കേശവന്‍ വെളുത്താട്ട്. തൊട്ടുകാണിക്കാന്‍ പറ്റുന്നതും പറ്റാത്തതുമായ പലതരം പൈതൃകങ്ങളുണ്ട്. അവ മനസ്സിലാക്കി മുന്നോട്ട് പോകണമെങ്കില്‍ ഇത്തരത്തിലുള്ള വിദ്യാഭ്യാസമാണ് വരുംതലമുറയ്ക്ക് നല്‍കേണ്ടത്. ജാതീയ ഉച്ചനീചത്വങ്ങളും അയിത്തവും കലയും സാഹിത്യവും ജ്യോതിഷപാരമ്പര്യവും ജീവിതായോധന ഉപാധികളും എല്ലാം തന്നെ പൈതൃകമാണ്. അതില്‍ നിന്ന് നല്ലതും ചീത്തയുമായ പൈതൃകങ്ങള്‍ മനസ്സിലാക്കണമെങ്കില്‍ വരുംതലമുറയ്ക്ക് അനുഭവങ്ങള്‍ നല്‍കണം. മനുഷ്യന്‍ മനുഷ്യജീവിതത്തില്‍ നിന്ന് ബാക്കിയാക്കുന്നതാണ് പൈതൃകം. കോട്ടപ്പുറം ചേരമാന്‍ പറമ്പ് മുസിരിസ് ആക്റ്റിവിറ്റി സെന്ററില്‍ നടന്ന മുസിരിസ് പൈതൃക വാരാഘോഷ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. മുസിരിസ് പൈതൃക പദ്ധതി മാനേജിംഗ് ഡയറക്ടര്‍ പി.എം നൗഷാദ,് മാര്‍ക്കറ്റിങ്ങ് മാനേജര്‍ അന്‍ഷാദ് അലി, മിഥുന്‍ എന്നിവര്‍ പങ്കെടുത്തു. സാംസ്‌കാരിക പൈതൃകങ്ങളുടെ പ്രാധാന്യത്തെക്കുറിച്ചും അതിന്റെ സംരക്ഷണത്തെക്കുറിച്ചും ജനങ്ങളില്‍ അവബോധം സൃഷ്ടിക്കുക എന്നതാണ് പദ്ധതിയുടെ ലക്ഷ്യം. ഈ മാസം 25 വരെയാണ് വാരാഘോഷം സംഘടിപ്പിക്കുന്നത്.
 
 
 
 
 
]]>
Tue, 19 Nov 2019 18:09:23 GMT http://malavisiononline.in/mala-vision-news-191119-kodungallur-general http://malavisiononline.in/mala-vision-news-191119-kodungallur-general
മകന്റെ അടിയേറ്റ് അച്ഛൻ മരിച്ച സംഭവം: അമ്മയും പിടിയിൽ : പിടിയിലായത് ഒളിവിൽ താമസിക്കുന്ന വീട്ടിൽ നിന്നും

മകന്റെ അടിയേറ്റ് അച്ഛൻ മരിച്ച സംഭവം: അമ്മയും പിടിയിൽ

പിടിയിലായത് ഒളിവിൽ താമസിക്കുന്ന വീട്ടിൽ നിന്നും

ചാലക്കുടി: ബൈക്ക് മോഷണകേസിൽ പിടിയിലാവുകയുംചോദ്യം ചെയ്യലിൽ അച്ഛൻ തന്റെ അടിയേറ്റാണ് മരിച്ചതെന്ന മകന്റെ കുറ്റസമ്മതത്തെ തുടർന്ന് രജിസ്റ്റർ ചെയ്ത കേസിൽ അമ്മയും പിടിയിൽ.

കൊന്നക്കുഴി സ്വദേശി ബാബുവിന്റെ ഭാര്യ ഷാലിയാണ് (35 വയസ്) ചാലക്കുടി ഡി വൈഎസ്പി സി.ആർ സന്തോഷിന്റെ നേതൃത്വത്തിലുള്ള പ്രത്യേകാന്വേഷണ സംഘത്തിന്റെ പിടിയിലായത്.

കഴിഞ്ഞ ഏതാനും മാസങ്ങളായി ചാലക്കുടിയിലും പരിസരങ്ങളിലും നടന്ന ബൈക്ക് മോഷണങ്ങളെ സംബന്ധിച്ച അന്വേഷണത്തിൽ നാലോളം യുവാക്കളെ പ്രത്യേകാന്വേഷണ സംഘം കഴിഞ്ഞ മാസമവസാനം പിടികൂടിയിരുന്നു. ബൈക്ക്മോഷ്ടാക്കളിലൊരാളായ ബാലുവിനെ വിശദമായി ചോദ്യം ചെയ്യവേയാണ്  അച്ഛന്റെ മരണത്തിനുത്തവാദി താനാണെന്ന് ബാലു അന്വേഷണ സംഘത്തിന്റെ ചോദ്യം ചെയ്യലിനിടയിൽ അറിയിക്കുന്നത്.

അമ്മയുടെ ആവശ്യപ്രകാരമാണ്, അച്ഛൻ മരിച്ചത് മരത്തിൽ നിന്ന് വീണതിനെ തുടർന്നാണെന്ന് നാട്ടിലും മറ്റും പ്രചരിപ്പിച്ചതെന്നാണ് ബാലു മൊഴി നൽകിയത്.ഇതിനാൽ ഷാലിയെ പ്രതിചേർത്തും ചാലക്കുടി സ്റ്റേഷനിൽ കേസ് രജിസ്റ്റർ ചെയ്തിരുന്നു.

ഇതിനെതുടർന്ന് ഷാലിയെ ഏറെ അന്വേഷിച്ചെങ്കിലും കണ്ടെത്താനായിരുന്നില്ല. അമ്മ ചാലക്കുടിക്കാരനായ ഒരാൾക്കൊപ്പം പോയതായി മാത്രമേ മക്കൾക്കും അറിവുണ്ടായിരുന്നുള്ളൂ.

ഇതിന്റെയടിസ്ഥാനത്തിൽ നടത്തിയ അന്വേഷണത്തിൽ ഇവർക്ക് ഉറുമ്പൻ കുന്നിലുള്ള സൂരജ് എന്ന യുവാവുമായി അടുത്ത സൗഹൃദം ഉണ്ടായിരുന്നതായും ഇയാളോടൊപ്പമാണ് ഷാലി പോയതെന്നും കണ്ടെത്തി.ഇതിനെ തുടർന്ന് ഇവർ താമസിച്ചിരുന്ന വീട്ടിൽ പരിശോധന നടത്തിയെങ്കിലും ബാലുവിനെ പിടികൂടിയ വാർത്ത പത്രത്തിലൂടെയും മറ്റു മറിഞ്ഞ് ഇരുവരും ഒളിവിൽ പോയിരിക്കയായിരുന്നു.
സൂരജും ഷാലിയും തങ്ങാനിടയുള്ള എല്ലാ വീടുകളും ചാലക്കുടി പോലീസിന്റെ പ്രത്യേക നിരീക്ഷണത്തിലായിരുന്നു.

ഇരിങ്ങാലക്കുടയിൽ ആലീസ് എന്ന സ്ത്രീയുടെ കൊലപാതകത്തെ തുടർന്ന് ഇരിങ്ങാലക്കുടയിലും പരിസര പ്രദേശങ്ങളിലും വ്യാപകമായ പരിശോധനയാണ് അന്വേഷണ സംഘം നടത്തുന്നത്.ഈ സന്ദർഭത്തിലാണ് ആളൂർ ഭാഗത്തെ ഒരു ഒഴിത്ത വീട്ടിൽ രണ്ടു പേർ താമസിക്കുന്നതായി ചാലക്കുടി ഡിവൈഎസ്പിക്ക് രഹസ്യവിവരം കിട്ടുന്നത്.ഇതിനെ തുടർന്ന് ആളൂർ ഭാഗത്ത് പ്രത്യേകാന്വേഷണ സംഘം നടത്തിയ വ്യാപക പരിശോധനയിലാണ് ഷാലി പിടിയിലാവുന്നത്.

ചാലക്കുടി ഡിവൈഎസ്പി സി.ആർ സന്തോഷ്, എസ്ഐ ബി.കെ.അരുൺ, എഎസ്ഐമാരായ ജിനു മോൻ തച്ചേത്ത്, സുനിൽകുമാർ റ്റി.ബി, റോയ് പൗലോസ്, പി.എം മൂസ സീനിയർ സിപിഒമാരായ വി.യു.സിൽജോ, എ.യു. റെജി, ഷിജോ തോമസ് സെപഷ്യൽ ബ്രാഞ്ച് ഉദ്യോഗസ്ഥനായ  എഎസ്ഐ രാജേഷ്, ചാലക്കുടി സ്റ്റേഷനിലെ വനിതാ സീനിയർ സിപിഒ ഷീബ അശോകൻ,സിപിഒ രൂപേഷ് എന്നിവരടങ്ങിയ സംഘമാണ് ഷാലിയെ പിടികൂടിയത്.

പിടികൂടിയ ഷാലിയെ ബാബുവിന്റെ മരണത്തിനിടയാക്കിയ സാഹചര്യങ്ങളെപ്പറ്റിയും മറ്റും അറിയുന്നതിന് വിശദമായി ചോദ്യം ചെയ്യുന്നതിനായി ചാലക്കുടി സ്റ്റേഷനിലെത്തിച്ചു. വിശദമായ ചോദ്യം ചെയ്യലിനുശേഷം വൈദ്യ പരിശോധനയും മറ്റു നടപടികളും പൂർത്തിയാക്കി  ഇവരെ കോടതിയിൽ ഹാജരാക്കും.

]]>
Tue, 19 Nov 2019 18:05:58 GMT http://malavisiononline.in/mala-vision-news-191119-chalakudy-crime http://malavisiononline.in/mala-vision-news-191119-chalakudy-crime
ശരീരത്തിന്റെ വയസ്സല്ല മനസ്സിന്റെ വയസ്സാണ് പ്രധാനമെന്ന് മുന്‍ മഹാരാഷ്ട്ര ഗവര്‍ണര്‍ കെ.ശങ്കരനാരായണന്‍

 ശരീരത്തിന്റെ വയസ്സല്ല മനസ്സിന്റെ വയസ്സാണ് പ്രധാനമെന്ന് മുന്‍ മഹാരാഷ്ട്ര ഗവര്‍ണര്‍ കെ.ശങ്കരനാരായണന്‍. ചാലക്കുടി നഗരസഭയുടേയും പൗരാവലിയുടേയും നേതൃത്യത്തില്‍ സംഘടിപ്പിച്ച നഗരസഭ മുന്‍ വൈസ് ചെയര്‍മാനും പത്രപ്രവര്‍ത്തകനുമായ കെ.കെ.ചന്ദ്രസേനന്റെ നവതി ആഘോഷം ഉത്ഘാടനം ചെയ്ത് സംസാരിക്കുകയായിരുന്നു അദേഹം. എത്ര വയസ്സായാലും മനസ്സിന് വയസ്സായില്ലെന്ന തോന്നലുണ്ടായാല്‍ ചെറുപ്പക്കാരേപോലെ ഓടിനട്കകാനാകുമെന്നും അദേഹം പറഞ്ഞു.  തുടര്‍ന്ന് പൗരാവലിയുടെ ഉപഹാരവും മംഗള പത്രവും അദേഹം സമര്‍പ്പിച്ചു. എസ്.എന്‍.ഹാളില്‍ നടത്തിയ ചടങ്ങില്‍ നഗരസഭ ചെയര്‍പേഴ്‌സണ്‍ ജയന്തി പ്രവീണ്‍കുമാര്‍ അധ്യക്ഷത വഹിച്ചു. മുന്‍ മന്ത്രി പി.സി.ചാക്കോ മുഖ്യപ്രഭാഷണം നടത്തി.  മുന്‍ എം.എല്‍.എ. എ.കെ.ചന്ദ്രന്‍ ആമുഖ പ്രസംഗം നടത്തി. മുന്‍ എം.പി.മാരായ കെ.പി.ധനപാലന്‍, പ്രഫ.സാവിത്രി ലക്ഷ്മണന്‍, ഗായത്രി ആശ്രമം മഠാതിപതി സ്വാമി സച്ചിതാനന്ദ, ടൗണ്‍ ഇമാം ഹുസൈന്‍ ബാഖവി, നഗരസഭ വൈസ് ചെയര്‍മാന്‍ വിത്സന്‍ പാണാട്ടുപറമ്പില്‍, പ്രതിപക്ഷ നേതാവ് വി.ഒ.പൈലപ്പന്‍, മുതിര്‍ന്ന പത്ര പ്രവര്‍ത്തകന്‍ പി.എന്‍.കൃഷ്ണന്‍ നായര്‍, പ്രസ്സ് ക്ലബ്ബ് പ്രസിഡന്റ് പി.കെ.സിദ്ദിഖ്, സെക്രട്ടറി സി.കെ.പോള്‍, സംവിദായകന്‍ സുന്ജര്‍ദാസ് തുടങ്ങിയവര്‍ സംസാരിച്ചു.

]]>
Tue, 19 Nov 2019 17:44:28 GMT http://malavisiononline.in/mala-vision-news-191119-chalakudy-general http://malavisiononline.in/mala-vision-news-191119-chalakudy-general
കൊടുങ്ങല്ലൂരിൽ എൽ ഡി എഫും ബി.ജെപിയും ഒന്നിച്ച് നിന്ന് കോൺഗ്രസ്സിനെ ആക്രമിക്കുന്നുവെന്ന് കോണ്‍ഗ്രസ്‌

 കൊടുങ്ങല്ലൂർ നഗരസഭയിൽ എൽ ഡി എഫും ബി.ജെ പിയും ഒരേ തൂവൽ പക്ഷികളാണെന്നതിന് തെളിവാണ് കഴിഞ്ഞ ദിവസം നടത്തിയ ഒന്നിച്ചുള്ള പ്രസ്താവനയെന്ന് കോൺഗ്രസ് ആരോപിച്ചു.കഴിഞ്ഞ ആറുമാസമായി നഗര മധ്യത്തിലെ പ്രധാന റോഡായ കാളീശ്വരി റോഡ് വെള്ളക്കെട്ടുമൂലം ജനങ്ങൾ പൊറുതിമുട്ടിരിക്കുകയാണ്.വാർഡ് കൗൺസിലർ ബി.ജെ.പി പ്രതിനിധിയും നഗരസഭ ഭരിക്കുന്ന എൽ ഡി എഫും ഇത്രയും നാളായിട്ടും ഒരു ചെറുവിരൽ അനക്കാൻ മുതിരാതെ പ്രസ്താവനയിൽ മാത്രം ഒതുക്കുകയാണ് വെള്ളക്കെട്ടു കാര്യത്തിൽ കൈകാര്യം ചെയ്തത്.ഈ സമയത്താണ് ജനങ്ങളുടെ ആവശ്യപ്രകാരം കോൺഗ്രസ് രംഗത്തിറങ്ങിയത്.കൊടുങ്ങല്ലൂർ നഗരസഭയിൽ കഴിഞ്ഞ കുറച്ചു നാളുകളായി എൽ ഡി. എഫും ബി.ജെ പിയും ഒന്നിച്ചാണ് ഭരിച്ചു പോരുന്നത്.നഗരസഭയിൽ 40 ഭരണപക്ഷവും നാലു പ്രതിപക്ഷവുമായിട്ടാണ് ഭരിച്ചു പോരുന്നത്.കഴിഞ്ഞ മഴകെടുതിയിൽ നൂറുകണക്കിന് ആളുകൾ വീടും, ധന സഹായവും കിട്ടാതെ വലയുമ്പോൾ ഒരു ചെറുവിരൽ അനക്കാതെ കോൺഗ്രസ്സിന്റെ സമരം കണ്ട് അസഹിഷ്ണുത പൂണ്ടാണ് ഇരുകൂട്ടരും കോൺഗ്രസിനെതിരെ ഒന്നിച്ചുള്ള പ്രസ്താതാവനയുമായി രംഗത്തിറങ്ങിയതെന്ന് കൊടുങ്ങല്ലൂർ ബ്ലോക്ക് കോൺഗ്രസ് വൈസ് പ്രസിഡൻറുമാരായ കെ.പി.സുനിൽകുമാറും, ഇ.എസ് സാബുവും മണ്ഡലം കോൺഗ്രസ് പ്രസിഡന്റ് ഡിൽഷൻ കൊട്ടെക്കാടും ആരോപിച്ചു.

]]>
Tue, 19 Nov 2019 17:39:04 GMT http://malavisiononline.in/mala-vision-news-191119-kodungallur-politics http://malavisiononline.in/mala-vision-news-191119-kodungallur-politics
വെള്ളങ്ങല്ലുര്‍ പഞ്ചായത്തിലേക്ക്അക്കൗണ്ട് ക० -ഡാറ്റാ എൻട്രി ഓപ്പറേറ്ററെ ആവശ്യമുണ്ട്.

  വെള്ളാ०ങ്ങല്ലൂർ പഞ്ചായത്തിലെ  മഹാത്മ ഗാന്ധി  ദേശീയ തൊഴിലുറുപ്പ് പദ്ധതിയിൽ അക്കൗണ്ട് ക०-ഡാറ്റാ എൻട്രി ഓപ്പറേറ്റർ തസ്തികയിലുള്ള നിലവിലുളള ഒരൊഴിവിലേക്ക് (കരാർ അടിസ്ഥാനത്തിൽ)  അപേക്ഷ  ക്ഷണിക്കുന്നു.

ബികോ०,പിജിഡിസിഎ യോഗ്യതയുള്ളവർക്ക് അപേക്ഷിക്കാ०.

അക്കൗണ്ടി०ഗ് ആൻറ് ബുക്ക് കീപ്പി०ഗ് യോഗ്യതയുള്ളവർക്ക് മുൻഗണനയുണ്ടായിരിക്കു०.   

അപേക്ഷ യോടൊപ്പ० സർട്ടിഫിക്കറ്റുകളുടെ ശരിപ്പകർപ്പ് കോപ്പിയു० ഫോൺ നമ്പറും നിർബന്ധമായു० ഉണ്ടായിരിക്കണ०. 

 അപേക്ഷകൾ 26ന് വൈകീട്ട്  നാല് മണിക്ക് മുൻപായി

സെക്രട്ടറി,

  വെള്ളാ०ങ്ങല്ലുർ ഗ്രാമ പഞ്ചായത്ത് ഓഫീസ്,

കോണത്തുകുന്ന്. പിഒ-680123,

തൃശൂർ.

എന്ന മേൽവിലാസത്തിൽ ലഭിച്ചിരിക്കണ०. 

വിശദവിവരങ്ങൾക്ക് 04802860254, 9496046149 എന്നീ ടെലഫോൺ ന०പറുകളിൽ ബന്ധപ്പെടണം

]]>
Tue, 19 Nov 2019 17:33:22 GMT http://malavisiononline.in/mala-vision-news-191119-vellangallur-general http://malavisiononline.in/mala-vision-news-191119-vellangallur-general
കൊടുങ്ങല്ലൂരില്‍ അറവിന് കൊണ്ട് വന്ന എരുമ നാട് വിറപ്പിച്ചു, സ്ത്രീ ഉൾപ്പടെ നിരവധി പേർക്ക് പരുക്ക്.

അറവിന് കൊണ്ട് വന്ന എരുമ നാട് വിറപ്പിച്ചു, സ്ത്രീ ഉൾപ്പടെ നിരവധി പേർക്ക് പരുക്ക്. എറിയാട് സ്വദേശികളായ കെമാതുരുത്തി സുഭാഷ്, പള്ളിപറമ്പിൽ സിറാജ്, പഴൂപറമ്പിൽ ഷിയാസ് എന്നിവർക്കാണ് പരിക്കേറ്റത്.പരിക്കേറ്റ മൂന്ന് പേരും ചികിത്സയിലാണ് രാവിലെ മേനോൻ ബസാറിലായിരുന്നു സംഭവം.അറവിനായ് കൊണ്ട് വന്ന എരുമ കെട്ട് പൊട്ടിച്ച് രക്ഷപെടുകയായിരുന്നു. എറിയാട് നിന്ന് രാത്രിയിലാണ് എരുമയെ കാണാതായത്.ഇന്നലെ രാവിലെ മുതൽ എരുമ അക്രമാസക്തമാവുകയായിരുന്നു. മൂന്ന് പേരെ കുത്തി പരിക്കേൽപിച്ച എരുമ നിരവധി പേർക്കെതിരെയും തിരിഞ്ഞു. ഓടുന്നതിനിടയിൽ വീണാണ് സ്ത്രീ ഉൾപ്പടെയുള്ളവർക്ക് പരിക്ക് പറ്റിയത്.വീടുകൾക്കുള്ളിലും പുറത്തും കറങ്ങി നടന്ന എരുമ ഭീകരാന്തരീക്ഷമാണ് സൃഷ്ടിച്ചത്: അർക്കും അടുക്കാൻ പറ്റാത്തയവസ്ഥ.മണിക്കൂറുകളോളം എരുമ നാടിനെ മുൾമുനയിൽ നിർത്തി. സംഭവ സ്ഥലത്ത് പോലീസും എത്തി. പോലീസ് കൺട്രോൾ എസ്.ഐ.മാഹിൻ, ബോട്ട് സ്രാങ്ക് ഹാരിസ്, മണ്ടാംപറമ്പിൽ റസാഖ് എന്നിവരുടെ സാഹസമായ ഇടപെടലിനെ തുടർന്നാണ് എരുമയെ തളക്കാനായത്.

]]>
Sun, 17 Nov 2019 19:50:23 GMT http://malavisiononline.in/mala-vision-news-171119-kodungallur-general http://malavisiononline.in/mala-vision-news-171119-kodungallur-general
കൊടുങ്ങല്ലൂരിൽ വൻ മദ്യ വേട്ട ; രണ്ടു പേർ അറസ്റ്റിൽ .
കൊടുങ്ങല്ലൂർ :കണ്ണൂരിൽ നിന്ന് ടയോട്ട ഫോർച്യൂണർ കാറിൽ എറണാകുളത്തേക്ക് കടത്തുകയായിരുന്ന മൂന്നൂറ്റി അറുപത് കുപ്പി വിദേശ മദ്യം പിടികൂടി. രണ്ടു പേർ അറസ്റ്റിലായി.. മധ്യമേഖല ഡി.ഐ.ജി  എസ്.സുരേന്ദ്രൻ ഐ.പി.എസ്. തൃശൂർ റൂറൽ എസ്.പി. കെ.പി. വിജയകുമാരൻ ഐ.പി.എസ്., ഇരിങ്ങാലക്കുട ഡി.വൈ എസ്.പി. ഫേമസ് വർഗ്ഗീസ് എന്നിവരുടെ നേതൃത്വത്തിൽ രൂപീകരിച്ച ഇരിങ്ങാലക്കുട ആലീസ് വധക്കേസ് പ്രത്യേക അന്വേഷണ സംഘാംഗങ്ങളാണ് പ്രതികളെ പിടികൂടിയത്.  കണ്ണൂർ പിണറായി സ്വദേശി വള്ളിൽ പി.എ. മൻസിൽ റസാഖ് മകൻ ഷാനവാസ് (35 വയസ്സ് ) ചക്കരയ്ക്കൽ സ്വദേശി മാടത്തിൽ സക്കറിയ മകൻ ഷക്കീർ (28 വയസ്സ്) എന്നിവരാണ് അറസ്റ്റിലായത്. വടക്കൻ കേരളത്തിൽ നിന്ന് എറണാകുളം തിരുവനന്തപുരം ഭാഗങ്ങളിലേക്ക് വൻതോതിൽ മദ്യക്കടത്തു നടത്തുന്ന സംഘത്തിലെ അംഗങ്ങളാണ് പിടിയിലായവർ.  മഫ്തിയിൽ എത്തിയ അന്വേഷണ സംഘത്തിനിടയിലേക്ക് കാർ ഇടിച്ചു കയറ്റാൻ ശ്രമിച്ച പ്രതികൾ  കൂടുതൽ വാഹനങ്ങളിലെത്തിയ പോലീസ് സംഘത്തെ കണ്ട് ചന്തപ്പുരയിലെ ഒരു പറമ്പിലേക്ക് കാർ കയറ്റി  രക്ഷപ്പെടാൻ ശ്രമിക്കുന്നതിനിടയിൽ അന്വേഷണ സംഘാംഗങ്ങൾ ഓടിച്ച് പിടികൂടുകയായിരുന്നു. കൊലക്കേസുമായി ബന്ധപ്പെട്ട് മുൻ കാല കേസുകളിലെ പ്രതികളെക്കുറിച്ചുള്ള അന്വേഷണത്തിനിടയിൽ മദ്യക്കടത്തു സംഘത്തെക്കുറിച്ച് വിവരത്തെ തുടർന്നാണ് പ്രതികളെ പിടികൂടിയത്. മുന്തിയ ഇനം സീസർ വി.എസ്.ഒ പി. ബെക്കാഡി, എം എച്ച് ബ്രാൻഡ് മുന്നൂറ്റി അറുപത് കുപ്പി മദ്യമാണ് പിടിചെടുത്തത്. മദ്യം കടത്താൻ വ്യാജ നമ്പറിൽ ഇവർ ഉപയോഗിച്ച ആഡംബര കാറും കസ്റ്റഡിയിൽ എടുത്തിട്ടുണ്ട്. മദ്യത്തിന്റെ ഉറവിടത്തേപ്പറ്റിയും, സംഘത്തിലെ കൂടുതൽ പേരെക്കുറിച്ചും അന്വേഷണം നടന്നു വരികയാണ്. കണ്ണൂരിൽ നിന്ന് മദ്യം കയറ്റിയ വാഹനം കടന്നുപോകുന്ന വഴിയിലെല്ലാം റൂട്ട് ക്ലിയർ ചെയ്ത് കൊടുക്കാനും പോലീസിന്റെ സാന്നിധ്യത്തെക്കുറിച്ച് വിവരം കൊടുക്കാനും മദ്യക്കടത്ത് ലോബിക്ക്  ആളുകളുണ്ട്. എന്നാൽ ഇവരുടെ കണ്ണിൽ പെടാതെ വിദഗ്ദമായാണ് പോലീസ് സംഘം ഇവരെ കെണിയിലാക്കിയത്. പ്രത്യേക അന്വേഷണ സംഘംഗങ്ങളായ കൊടുങ്ങല്ലൂർ ഇൻസ്പെക്ടർ പി.കെ. പത്മരാജൻ, എസ്.ഐ. ഇ ആർ.ബൈജു റൂറൽ ക്രൈം ബ്രാഞ്ച് എസ്.ഐ. എം.പി.മുഹമ്മദ് റാഫി, എ.എസ്.ഐ.മാരായ  പി.ജയകൃഷ്ണൻ , സി.എ.ജോബ്,എം.കെ.ഗോപി, സീനിയർ സി.പി.ഒ.മാരായ ഷഫീർ ബാബു, ലിജു ഇയ്യാനി, ഇ.എസ്. ജീവൻ, അനൂപ് ലാലൻ, എം.വി. മാനുവൽ, കൊടുങ്ങല്ലൂർ സ്റ്റേഷനിലെ എസ്. ഐ. ബസന്ത് എ.എസ്.ഐ. വിനോദ് സീനിയർ സി.പി.ഒ. സുമേഷ്,സജീഷ്, എന്നിവരടങ്ങുന്ന സംഘമാണ് പ്രതികളെ പിടികൂടിയത്.
]]>
Sun, 17 Nov 2019 19:47:13 GMT http://malavisiononline.in/mala-vision-news-171119-kodungallur-crime http://malavisiononline.in/mala-vision-news-171119-kodungallur-crime
വടക്കേ പൂപ്പത്തി ദേശവിളക്ക് ഭക്തിസാന്ദ്രമായി
വടക്കേ പൂപ്പത്തി ദേശവിളക്ക് ഭക്തിസാന്ദ്രമായി. വൃശ്ചികം ഒന്നിന്റെ പുണ്യം പേറി നിരവധി ഭക്തർ ദേശവിളക്കു കണ്ടു തൊഴാനെത്തി. തൻകുളം ക്ഷേത്രനടയിൽ നിന്ന് നാദസ്വരം, കാവിടിച്ചിന്ത്‌, കാവടിയാട്ടം എന്നിവയുടെ അകമ്പടിയോടെ എതിരേൽപ്പ് നടന്നു. നിരവധി ഭക്തർ എതിരേല്പിലും തുടർന്ന് നടന്ന ചടങ്ങുകളിലും പങ്കാളികളായി. വി എൻ ശങ്കരൻ എംബ്രാന്തിരി ആയിരുന്നു ദീപാരാധനയ്ക്ക് കാർമികത്വം വഹിച്ചത്.
 
 
]]>
Sun, 17 Nov 2019 19:35:04 GMT http://malavisiononline.in/mala-vision-news-171119-news-desk-general-3 http://malavisiononline.in/mala-vision-news-171119-news-desk-general-3
നാഗദൈവങ്ങളുടെ അനുഗ്രഹം തേടി പതിനായിരങ്ങൾ വടമ പാമ്പും മേക്കാട്ട് മനയിലെത്തി.
 വൃശ്ചികപുലരിമുതൽ നാഗദൈവങ്ങളുടെ അനുഗ്രഹം തേടി പതിനായിരങ്ങൾ വടമ പാമ്പും മേക്കാട്ട് മനയിലെത്തി. ഇത്തവണ വൃശ്ചികം ഒന്ന് അവധിദിനമാകയാൽ അഭൂതപൂർവ്വമായ തിരക്കായിരുന്നു മനയിൽ അനുഭവപ്പെട്ടത്. ദർശനത്തിനായി നീണ്ട ക്യു രൂപപ്പെട്ടിരുന്നു വൈകീട്ട് വരെ. ക്ഷേത്രത്തിനകത്തു സേവാഭാരതിയും പുറത്ത് പോലീസും സ്ഥിതിഗതികൾ നിയന്ത്രിച്ചു. മണ്ഡല മാസം ആരംഭിക്കുന്നതിനാൽ മാലയിട്ട അയ്യപ്പഭക്തർ ധാരാളം ദർശനത്തിനെത്തി.
 
]]>
Sun, 17 Nov 2019 19:30:29 GMT http://malavisiononline.in/mala-vision-news-171119-news-desk-general-2 http://malavisiononline.in/mala-vision-news-171119-news-desk-general-2
കുഞ്ഞാലി പാറയിൽ പ്രവർത്തിക്കുന്ന ഗ്രാനൈറ്റ്സ് കമ്പനിയുടെ ഘനന ക്രഷർ പ്രവർത്തനം ഉടൻ നിറുത്തിവക്കുവാൻ വനം വകുപ്പ് ഉത്തരവിട്ടു

കൊടകര മറ്റത്തൂർ  കുഞ്ഞാലി പാറയിൽ പ്രവർത്തിക്കുന്ന എടത്താടൻ ഗ്രാനൈറ്റ്സ് കമ്പനിയുടെ ഘനന  ക്രഷർ കമ്പനിയുടെ പ്രവർത്തനം ഉടൻ നിറുത്തിവക്കുവാൻ വനം വകുപ്പ് ഉത്തരവിട്ടു ചാലക്കുടി ഡിവിഷനൽ ഫോറസ്റ്റ് ഓഫീസിൽ നിന്ന് ഉള്ള ഉദ്യോഗസ്ഥരാണ് കമ്പനിയിൽ നേരിട്ടെത്തി കമ്പനിയുടെ പ്രവർത്തനം നിറുത്തുവാനുള്ള ഉത്തരവ് നൽകിയത്.  വനം വകുപ്പിന്റെ നടപടി കുഞ്ഞാലി പാറ സംരക്ഷണ സമിതി തത്വത്തിൽ സ്വാഗതം ചെയതു. മേൽ കാര്യത്തിൽ കമ്പനി പ്രവർത്തിക്കുന്ന സ്ഥലം കോടാശേരി വില്ലേജ് സർവ്വേ പ്രകാരം കോടാശേരി കൂമ്പൻ റിസർവ്വിൽ പെട്ട സ്ഥലമാണ് .വനഭൂമിയിൽ ഖനന പ്രവർത്തനം പാടില്ല എന്നു കോടതി ഉത്തരവ് നിലവിലുള്ളതാണ് വനഭൂമിയോട് ചേർന്നോ വനഭൂമിക്ക് ഒരു കിലോമീറ്റർ അകലത്തിലോ  ക്വാറിയും അനുബന്ധ പ്രവർത്തികളും  തുടങ്ങുന്നതിന് വനം വകുപ്പിന്റെ NOC അവശ്യമാണ് .മേൽ അനുമതി ഇല്ലാതെയാണ് കമ്പനിക്ക് പ്രവർത്തിക്കാൻ ജിയോളജി വകുപ് അനുമതി നൽകിയത്.9/11/10 ൽ വനം വകുപ്പ് മേൽ കമ്പനിക്ക് നിറുത്തുവാനുള്ള ഉത്തരവ് നൽകിയിരുന്നു അതിനെതിരെ കമ്പനി ഹൈകോടതിയിൽ അപ്പീൽ നൽകിയ അപ്പീൽ കോടതി തള്ളിയിരുന്നു .വനം വകുപ്പ് പ്രവർത്തനം നിറുത്തിവക്കാൻ ഉത്തരവ് നൽകിയ സർവ്വേ നമ്പറുകളിലെ ഖനനം നിറുത്തിയിട്ട് പിന്നേയും അവരുടെ കൈവശം ഉള്ള അതേ തരത്തിലുള്ള പ്രദേശത്ത് ഖനന ക്രഷർ പ്രവർത്തനം കഴിഞ്ഞ നാലുവർഷത്തോളമായി നടത്തി വരുകയായിരുന്നു.കഴിഞ്ഞ 90 ദിവസത്തോളമായി കുഞ്ഞാലി പാറ സംരക്ഷണ സമിതിയുടെ നേത്യതത്തിൽ ഇവിടെ നടക്കുന്ന ജനകീയ സമരം വേണ്ടി വന്നു വനം വകുപ്പന് നടപടി എടുക്കാൻ. ഇപ്പോൾ കൊടുത്ത സ്റ്റോപ്പ് മെമ്മൊ മുൻപ് കൊടുത്ത സ്റ്റോപ്പ് മെമ്മോയുടെ തുടർച്ചയായി മറ്റു പ്രദേശത്ത് ഖനനം കമ്പനി തുടങ്ങിയപ്പോൾ കൊടുക്കാതെ ഇവിടെ വനമേഖലയിൽ ഉണ്ടായി രുന്ന ചന്തനം, വീട്ടി തേക്ക് തുടങ്ങിയ സംരക്ഷിത വനവിഭവങ്ങൾക്കും വനത്തിനുണ്ടായ നാശ നഷ്ടങ്ങൾക്കും ഇവിടെ ഖനന പ്രവർത്തനം കാരണം ഉണ്ടായ അഗാധ ഗർത്തകരും, മണ്ണ് മലമുകളിൽ വൻതോതിൽ കൂട്ടിയിട്ടിരിക്കുന്ന പോലെ യള്ള അനവധി നിയമ ലംഘനക്കൾ പരാമർശിക്കാതെ വളരെ വൈകിപ്പിച്ചുള്ള മേൽ  വനംവകുപ്പ് ഉത്തരവ് പൂർണ്ണമല്ലഎന്നും .മേൽ കമ്പനി തുടർന്നും വനമേഖലയിൽ പ്രവർത്തിക്കാൻ അവസര മൊരുക്കിയതും വനസമ്പത്ത് സംരക്ഷിക്കുന്നതിൽ വരുത്തിയ വീഴ്ച്ച ഫോറസ്റ്റ് വിജിലൻസ് അന്യേഷണം നടത്തി കുറ്റക്കാരായിട്ടുള്ള  ഉദ്യോഗസ്ഥരെ നിയമത്തിനു മുന്നിൽ കൊണ്ടുവരുന്നതിനോടൊപ്പം വനം വകുപ്പിന്റെ അനുമതി ഇല്ലാതെ മേൽ കമ്പനിക്കു പ്രവർത്തിക്കാൻ അനുമതി നൽകിയ ജീയോളതി വകുപ്പിന്റെ നടപടി സുതാര്യമല്ലാത്തതിനാൽ ഉന്നത തലത്തിൽ അന്വേഷിച്ച് കേസ് രജിസ്റ്റർ ചെയ്യേണ്ടതാണ്. സമരസമിതി നൽകിയിട്ടുള്ള എല്ലാ പരാതികളും തദേശ ഭരണ വകുപ്പ് ,റവന്യൂ , ജീയോളജി  തുടങ്ങിയ വകുപ്പുകൾ ഇവിടെ ജനങ്ങൾക്കുള്ള പരാതിയിൽ ചിറ്റമ്മനയം തുടരുകാണ് എന്ന് സമരസമിതി ആരോപിക്കുന്നു .കഴിഞ്ഞ 90 ദിവസമായി കുഞ്ഞാലി പാറ സംരക്ഷണ സമിതിയുടെ നേതൃതത്തിൽ കമ്പനികെതിരെ ജനകയ സമരം നടക്കുകയായിരുന്നു.വനം വകുപ്പ് സ്റ്റോപ്പ് മെമ്മോ നൽകിയതറിഞ്ഞ് ആഹ്ലാദ പ്രകടനം നടത്തി.സമരം അതിന്റെ ലക്ഷ്യം കൈവരിക്കുന്നതു വരെ ശക്തമായി തുടരുമെന്ന് സമരസമിതി അറിയിച്ചു.

]]>
Sun, 17 Nov 2019 19:27:55 GMT http://malavisiononline.in/mala-vision-news-171119-news-desk-general-1 http://malavisiononline.in/mala-vision-news-171119-news-desk-general-1